3 ingrediensar til ein god påskefrukost

Flatlay med påskemat — Kva med å gjere litt ekstra ut av påskefrukosten i år?

Speilegg med bacon formet som en kanin — Egg er alltid ein sikker vinnar til påskefrukosten.

Bord dekket med egg i pastellfarger — Egg er alltid ein sikker vinnar til påskefrukosten.

Flere pannekaker formet som en kanin bakfra — Amerikanske pannekaker er perfekt til å lage ulike figurar, for eksempel ein påskehare.

Frukost er dagens viktigaste måltid. Med desse 3 ingrediensane blir påskefrukosten ein stor suksess.

Ein god frukost set standarden for resten av dagen, og i påska er det ekstra morosamt å stelle i stand ein koseleg frukost for dei du er glad i. Ikkje berre kan du fylle bordet med mykje god mat, du kan òg pynte i herlege pastellfarger og egg i alle variantar.

Påskefrukost med det lille ekstra

For at frukosten skal bli ein suksess, er det lurt å setje av god tid til å førebu frukosten, og ikkje minst til å nyte den og kvarandre sitt selskap. Set preg på atmosfæren ved å setje på roleg musikk og tenne stearinljos. Om dykk har peis, kan du fyre i den, òg. Dekorer bordet med påskepynt og legg til rette for at ein kan nyte frukosten i fleire timar. Det er kvardagsluksus på sitt beste.

Under har vi lista opp 3 ingrediensar som gjer påskefrukosten til ein suksess:

1. Egg

Det blir ikkje ein ordentleg påskefrukost utan egg. Visste du forresten at vi et dobbelt så mykje egg i påska, som vi gjer elles i året? Typisk for påska er pastellfarga egg. For å få til det, må du bruke konditorfarge i vatnet du kokar egga i. Dess meir konditorfarge du har i vatnet, dess sterkare farge vil egga få. Pass difor på at du ikkje tar for mykje konditorfarge dersom du ønskjer pastellfarga egg.

Har du små barn rundt bordet, anbefaler vi å lage speilegg forma som ein påskehare. Bruk baconstrimler som øyrer, blåbær eller anna frukt som auge, og ost som vêrhår – voilà, du har ein perfekt frukost for dei minste!

Anna ting du kan lage med egg:

Arme riddarar
Eggerøyre
Omelett

2. Pannekaker

Pannekaker er ein slager hos dei fleste – både små og store. Det er ikkje den vanlegaste frukostretten til kvardags, og det er difor ekstra artig å servere det i påska. Lagar du amerikanske pannekaker er det lett å vere kreativ. Desse pannekakene er ein del tjukkare enn vanlege pannekaker, og difor enklare å forme slik du ønskjer. Kva med å lage ein påskehare sett bakfrå, slik som vist på biletet? Du kan òg prøve deg på ein enkel påskekylling med frukt som pynt.

Bagels med egg og avokado — Bagel med egg og avokado. Foto: Matprat.no

Brød formet som en kanin — Lag rundstykke forma som ein påskehare, og server med ditt favorittpålegg.

Brød med egg i midten — Server eggebrød til frukosten. Foto: Matprat.no

3. Brødbakst

Det er lite som slår rykande ferskt brød eller varme rundstykke til frukost. Server med favorittpålegga til alle i eit rikt utval. For det lille ekstra, kan du imponere med å servere heimelaga rundstykke forma som små, søte harepusar. Eller kva med å lage bagels med avokado og egg, slik som vist i oppskrifta under?

Ingrediensar

1 stk bagel
1 ss smør til steiking
1 stk egg
½ stk avokado
10 g babyspinat
¼ ts grovkverna peppar

Slik gjer du

Skjer ein bagel i to. Legg den delte bagelen med snittflata ned i ei middels varm steikjepanne med smør.
Knekk eit egg i holet på lokket og lat det steikje til eggekvita er kvit. Når du meiner botnen til bagelen har fått ei gyllen, fin farge, tek du den ut av steikjepanna og over på ein tallerken.
Kutt avokadoen i tynne skiver. Legg babyspinat på bagelbotnen, legg på avokadoskivene og topp med bagellokket når egget er ferdig stekt. Ha gjerne litt nykverna peppar på toppen.

Tips! Sjå til at holet på lokket kan vere stort nok til å romme eit egg. Om holet er litt lite, bruk ein liten, spiss kniv og skjer det litt større.

Har du i staden lyst på ein annan variant, er eggebrød eit godt alternativ. Eggebrød er luftige og herlege små brød med egg, inspirert av Gyeranppang, som er koreanske eggebrød. Desse er både salte og søte, og vil garantert løfte påskefrukosten.

Ingrediensar

100 g smør
2 dl kveitemjøl
1 ts bakepulver eller sitronsaft
1 ts vaniljesukker
4 ss sukker
1 dl mjølk
2 stk egg til røra
1 ss smør, til formane
6 stk egg
1½ dl ferdigriven ost
2 ss friske urter
Smak til med litt salt og kverna peppar

Slik gjer du

Varm opp steikeomnen til 200 °C.
Smelt smør.
Ha mjøl, bakepulver, vaniljesukker og sukker i ein bolle. Tilset mjølk og smelta smør. Visp inn egg, og røyr alt saman til ei tjukk og klumpfri røyre.
Smør godt eit stort muffinsbrett. Ha i litt meir enn ei spiseskje røyre i botnen. Knekk eitt egg i kvar form, og dekk med resten av røyra.
Dryss over revet ost og litt friske urter. Topp med salt og peppar, etter smak. Steik i omnen i ca. 15 minutt, eller til egget har satt seg.